बडा दशैँ,शुभ दिपावली तथा छठ पर्वको अवसरमा रामेछापको रामेछाप नगरपालिका वडा नं ७ को आर्थिक सहयोगमा जागरुक युवा क्लबले आयोजना गरेको रामेछाप गोल्ड कप फुटबल प्रतियोगितामा खेलाडीहरुले तोडफोड गरेका छ्न ।
हिजो भएको खेलमा आयोजक जागरूक युवा क्लब र माहाकाली युवा क्लब खेलेका थिए । सो खेलमा रेफरिले निस्पक्ष खेल खेलाउन नसकेको खेलाडीहरुको आरोप छ । पेनाल्टी नभइकन आयोजक जागरुक युवा क्लबलाई पेनाल्टी दिएको भन्दै माहाकाली युवा क्लबका खेलाडीले नाराबाजी गर्दै तोडफोड गरेका छ्न ।
सो क्लबका खेलाडीहरुले आयोजकको मिलिमतोमा रेफरिले खेल खेलाएको आरोप लगाएका छ्न । शनिबार भएको टिम हिलेपानी र जागरुक युवा क्लब बिचको खेलमा पनि रेफरिले आयोजक टिमलाई जिताएको भन्दै विवाद भएको थियो । खेल हेर्ने दर्शकले पनि रेफरिले निस्पक्ष खेल नखेलाएको भन्दै आपत्ति जनाएका छ्न । आयोजकले नंया गोरख दल गणबाट रेफरि मगाएर खेल खेलाएको हो ।
