माझी समुदायले बुझाएको ज्ञापनपत्र ग्रहण गर्दै प्रधानमन्त्री देउवाले आयोजना निर्माण हुँदा माझी समुदायलाई पर्ने प्रभावका बारेमा आफूले बुझेर सम्बोधन गर्न सकिने जति सबै माग सम्बोधन गर्ने आश्वासन दिएका छन् ।
माझी समुदायले जलाशयुक्त सुनकोसी दोस्रो आयोजना निर्माण हुँदा आदिवासी माझी र अन्य स्थानीय समुदायको पुख्र्यौली भूमि, भाषा, धर्म, संस्कार, रितिरिवाज, ऐतिहासिक थातथलो र पुरातात्विक महत्वका स्थलको पहिचान गुम्ने गुनासो प्रधानमन्त्रीलाई पनि सुनाएका छन् ।
माझी समुदायले सुनकोसी–२ जलविद्युत आयोजना निर्माण भए भौतिक, साँस्कृतिक, आर्थिक र सामाजिकरुपमा नै आफ्नो समुदाय विस्थापित हुने तथा भूमिहिन र पहिचानविहिन बन्ने खतरा रहेको बताएका छन् ।
सिन्धुली र रामेछापको सीमा भएर बग्ने सुनकोसी नदीमा उच्च बाँध निर्माण गरी ९७८ मेघावाट क्षमताको हाइड्रोपावर बनाउन योजना अघि बढाईएको छ । तर, संघर्षमा उत्रिएको माझी समुदायले उर्जा मन्त्री पम्फा भुसाललाई पनि भेटेर आयोजना खारेजीको माग गर्दै ज्ञापनपत्र बुझाइसकेको छ ।
