जिल्ला अस्पताल रामेछापमा बुधबार(आज) भएको मानसिक रोग शिविरमा ४१ जनाले सेवा लिएका छन । मानसिक अस्पताल पाटन लगनखेल ललितपुरमा कार्यरत मानसिक तथा नशा रोग बिशेषज्ञ डा. नबिन देबकोटाले शिविरमा सेवा दिनुभएको हो ।
“अस्पातलमा मानसिक स्वास्थ्य सन्चालन तथा सुद्रिढिकरण“ कार्यक्रम अन्तर्गत शिविर संचालन गरिएको अस्पतालका मेडिकल सुपरिटेन्डेन डा. गगन अधिकारीले जानकारी दिनुभयो ।
शिविरमा निद्रा नलाग्ने, आत्तिने रोग र डिप्रेसन जस्ता रोगका विरामीहरुले सेवा लिएको उहाँले बताउनुभयो । अबदेखी जिल्ला अस्पतालमा प्रत्येक महिनाको एक दिन बिशेषज्ञ डाक्टरसंग समन्वय गरेर मानसिक तथा नशा रोग बिशेषज्ञद्वारा मानसिक रोगीहरुको जांच तथा उपचार गरिने डा अधिकारीले बताउनुभयो ।
