यही वैशाख ३० गते हुने स्थानीय तहको निर्वाचनका लागि नेकपा माओवादी केन्द्रले रामेछाप नगरपालिका वडा नं ६ ओख्रेनीमा वडाध्यक्षको उम्मेदवार सर्वसम्मत टुंग्याइएको छ । माओवादीे नगर कमिटीको बैठकले मोतिलाल तामाङलाई सर्वसम्मत वडाध्यक्षको उम्मेद्वार बनाउने निर्णय गरेको हो ।
नेकपा माओवादी केन्द्र रामेछाप नगरपालिकाको अध्यक्ष समेत रहेका तामाङ २०७४ सालको स्थानिय तहको चुनावमा पनि वडाअध्यक्षमा उम्मेदवारी दिनुभएको थियो । तर उहाँ थोरै मतले पराजित हुनुभएको थियो । वडाध्यक्षका उम्मेद्वार तामाङले वडा नं ६ मा आफु निर्वाचित भए आर्थिक,समाजिक रुपान्तरण हुने गरी काम गर्ने बताउनुभयो ।
