नेकपा एमाले रामेछापका नेता एवम समाजसेवी होतराज ढकालले जिल्ला अस्पताल रामेछापमा रहेका कोरोनाका विरामीलाई एक महिनासम्म आफनो व्यक्तिगत खर्चमा निशुल्क खाजा खुवाउन थाल्नुभएको छ । उहाँले गत जेठ ३० गतेदेखी अस्पतालमा भर्ना भएका कोरोनाका विरामीलाई दैनिक प्रतिव्यक्ति एक गिलास दुध,एक वटा अण्डा र एक प्लेट चना सहितको खाजाको व्यवस्थापन गर्नुभएको छ ।
कोरोना संक्रमित भएपछि स्वास्थ्य अवस्था कमजोर हुने हुँदा यस्ता खानाले शरीरलाई शक्ति दिने भएकाले चिकित्सको सल्लाह अनुसार आफुले एक महिनासम्म अस्पतालमा जति विरामी भर्ना हुन्छन सबैलाई दैनिक दुध,अण्डा र चना खुवाउने बताउनुभयो ।
आफुले गरेको यो कामले विरामीहरुलाई केही मात्रामा भएपनि फाईदा पुग्ने विश्वास आफले लिएको ढकालले बताउनुभयो । विरामीलाई खाजा खुवाउँदा आफुलाई खुशी मिल्ने गरेको उहाँले बताउनुभयो । एमाले नेता एवम समाजसेवी ढकाल एमाले रामेछाप नगर संयोजक, जिल्ला कमिटी सदस्य र ढकाल पोल्ट्रि सप्लायर्सका संचालक हुनुहुन्छ ।
