रामेछाप जिल्लाको उमाकुण्ड गाउँपालिकाको केन्द्र प्रितीमा शुक्रवारदेखि ११ औँ जिल्ला स्तरीय राष्ट्रपति रनिङ शिल्ड प्रतियोगिता जारी छ । प्रतियोगिताको उद्धघाटन राष्ट्रिय खेलकुद परिषद् (राखेप) का सदस्य सचिव टंकलाल घिसिङले गर्नुभयो ।
प्रतियोगिताको उद्धघाटनको क्रममा प्रदर्शन गरिएको मार्च पासमा रामेछाप नगरपालिका प्रथम भएको छ । मार्च पासमा उमाकुण्ड गाउँपालिका दोश्रो भएको छ भने मन्थली नगरपालिका तेश्रो भएको रामेछाप नगरपालिकाका खेल संयोजक टिकाराम मगरले जानकारी दिनुभयो ।
प्रतियोगितामा जिल्लाका आठ वटा स्थानीय तहको सहभागिता रहेको छ । विभिन्न विद्यालयका ८ सय भन्दा बढी विद्यार्थीहरुले विभिन्न विद्याका खेलमा प्रतिस्पर्धा गर्नेछन ।
