“स्वास्थ्यका लागी खेलकुद,राष्ट्रका लागि खेलकुद” भन्ने मुल नाराका साथ रामेछाको लिखु तामाकोशी गाउँपालिकामा रास्ट्रपति रनिङ शिल्ड प्रतियोगिता शनिरबा(आज) देखी सुरु भएको छ ।
गाउँपालिकाका अध्यक्ष केशव महले प्रतियोगिताको उद्धघाटन गर्नुभयो । प्रतियोगिताको उद्धघाटन गर्दै अध्यक्ष महतले स्वास्थ्यका खेलकुद निकै महत्वपुर्ण रहेको भन्दै खेल क्षेत्र र खेलाडीहरुको विकासका लागी गाउँपालिकाले कामहरु गरिरहेको बताउनुभयो ।
रास्ट्रपति रनिङ शिल्ड प्रतियोगितामा सहभागीता जनाउने विद्यालयलाई गाउँपालिकाले हरेक वर्ष ५० हजार रुपैयाँ दिँदै आएको अध्यक्ष महतले बताउनुभयो ।
गाउँपालिका भरीका १० वटा माध्यमिक विद्यालयहरुले प्रतियोगितामा सहभागीता जनाएका छन । ३ दिनसम्म सन्चालन हुने प्रतियोगितामा भलिबल,कबड्डी,सर्टफुट,दौड,ज्याबलिङ थ्रो लगायतका खेलहरु खेलाईने छ ।
