एक १४ वर्षिय बालिकालाई जबरजस्ती करणी गरेको आरोपमा रामेछाप बाबियाखर्कका एक पुरुष पक्राउ परेका छन । रामेछाप नगरपालिका –८ बाबियाखर्कका ३७ वर्षका भुपेन्द्र भुजेललाई प्रहरीले पक्राउ गरेको हो ।
यहि साउन २५ गते दिउँसो १ बजेको समयमा भुजेलले गाउँकै १४ वर्षकी बालिकालाई जबरजस्ती करणी गरेको रामेछाप प्रहरीले जनाएको छ ।
बालिकामाथि जबरजस्ती करणी भएको खबर प्राप्त हुनासाथ प्रहरी सहायक निरीक्षकको कमाण्डमा –६ जनाको प्रहरी टोली घटनास्थल पुगेर भुजेललाई नियन्त्रणमा लिइएको बताइएको छ । भुजेललाई नियन्त्रणमा लिएर घटना बारे आवश्यक थप अनुसन्धान भैरहेको रामेछाप प्रहरीले जानकारी दिएको छ ।
