रामेछापको सदरमुकाम मन्थली नजिकै तामाकोशी नदीमा फेला परेकोे बेवारिसे शवको पुष्टि भएको छ । उक्त शव दोलखाका एक पुरुषको रहेको पुष्टि भएको हो । उक्त शव दोलखाको कालिञ्चोक गाउँपालिका २ बाबरेका ६२ वर्षीय भिमबहादुर थामीको रहेको जिल्ला प्रहरी कार्यालय रामेछापले जानकारी दिएको छ ।
मृतक थामी साउन १५ गतेदेखि हराएका थिए । हराइरहेका थामीको शव शनिबार मन्थली नगरपालिका १ हाटेचौर स्थित तामाकोशी नदिको किनारामा घोप्टो परेको अवस्थामा फेला परेको थियो । शव पोष्टमार्टमका लागि मन्थली अस्पतालमा राखिएको छ ।
