सरकारले माध्यमिक शिक्षा निशुल्क हुने व्यवस्था गरे पनि रामेछापका अधिकांश सामुदायिक विद्यालयले विभिन्न बहानामा शुल्क असुलिरहेका छन् । शिक्षा ऐन २०२८ को दफा १६ मा सामुदायिक विद्यालयले कुनै पनि अतिरिक्त शुल्क लिन नपाइने उल्लेख गरिएको छ । तर, रामेछापका धेरै विद्यालयहरुले विभिन्न बहानामा शुल्क असुल्दै आएको अभिावकहरले गुनासो गरेका छन ।
विद्यालयले ९ र १० कक्षामा अरु कक्षामाभन्दा बढी शुल्क लिने गरेका छन् । धेरै शुल्क तिर्नुपर्दा विपन्न वर्गका बालबालिकाले विद्यालय नै छोड्नुपर्ने अवस्था छ । विद्यालयले तोकेको शुल्क तिर्न ढिलो गरे परीक्षा दिन नदिने, नतिजा प्रकाशन नगर्ने, परीक्षामा फेल पारिदिने गरेको विद्यार्थीको गुनासो छ । तर, विद्यालय तहको शिक्षाको जिम्मा पाएका स्थानीय तहले भने यसबारे आफुहरूलाई जानकारी नभएको भन्दै पन्छिरेहका छन् ।
