रामेछापको मन्थली नगरपालिका वडा नं ५ सुनारपानीमा वडा स्तरीय पुरुष भलिबल प्रतियोगिता हुँदै छ । आजदेखी सुरु हुने प्रतियोगिता १६ गतेसम्म संचालन हुने वडा कार्यालयले जानकारी दिएको छ । बडा दशैँको अवसरमा आयोजना गरिएको प्रतियोगितामा पुरुष भलिबल खेल हुनेछ ।
प्रतियोगितामा प्रथम हुने टिमले नगद ३५ हजारको साथमा शिल्ड,मेडल र प्रमाणपत्र, द्वितीय हुने टिमले नगद २५ हजारको साथमा शिल्ड, मेडल र प्रमाणपत्र,तृतीय हुनेले नगद १५ हजारको साथमा शिल्ड, मेडल र सान्त्वना हुनेले नगद १० हजारको साथमा मेडल र प्रमाणपत्र पाउने आयोजकले जानकारी दिएको छ ।
