काठमाडौँ उपत्यकाका सवारीसाधनमा लागू गरिएको जोर–विजोर प्रणाली आजबाट हटेको छ । सीसीएमसीको बैठकले जोरबिजोर प्रणाली हटाउने निर्णय गरेको प्रवक्ता सुनिता नेपालले जानकारी दिनुभयो ।
सीसीएमसीको निर्णयका आधारमा काठमाडौँ, भक्तपुर र ललितपुरका प्रमुख जिल्ला अधिकारीको संयुक्त बैठकले जोरबिजोर प्रणाली खारेज गर्ने निर्णय गरेको भक्तपुर जिल्लाका प्रमुख जिल्ला अधिकारी रुद्रादेवी शर्माले जानकारी दिनुभयो । विद्यालय र कलेजहरु भने फागुन १ गतेदेखि भौतिक रुपमा सञ्चालन गर्न पाइने सीसीएमसीको निर्णय छ ।
यसअघि सार्वजनिक स्थानमा २५ जनासम्म मात्र भेला हुन पाउने निर्णय भएकोमा त्यो सङ्ख्या बढाएर ५० जनासम्म पु¥याइएको गृहमन्त्रालयका प्रवक्ता फाणिन्द्रमणि पोखरेलले बताउनुभयो । कोरोना सङ्क्रमणको जोखिम कायमै रहेकाले स्वास्थ्य सावधानी भने अपनाउन उहाँले सबै नागरिकलाई आग्रह पनि गर्नुभयो ।
