केहि दिन यता रामेछापमा दैनिक रुपमा कोरोना संक्रमित बढ्न थालेका छन । आज जिल्लामा ३५ जनामा कोरोना संक्रमण पुष्टि भएको छ । आज ४२ जनाको एन्टिजेन परीक्षण गर्दा ३५ जनामा कोरोना सङ्क्रमण पुष्टि भएको हो ।
आज थपिएका ३५ जना संक्रमितसँगै अहिले जिल्लामा १४८ जना कोरोनाका सक्रिय सङ्क्रमित रहेका छन । जिल्लामा सबैभन्दा धेरै संक्रमित मन्थली नगरपालिकामा रहेका छन ।
मन्थली नगरपालिकामा ५३ जना,रामेछाप नगरपालिकामा २४ जना, उमाकुण्ड गाउँपालिकामा ७ जना, खाँडादेवी गाउँपालिकामा २६ जना, गोकुलगङ्गा गाउँपालिकामा १३ जना, लिखुतामाकोसी गाउँपालिकामा ९ जना, दोरम्बा सैलुङ गाउँपालिकामा एक जना र सुनापति गाउँपालिकामा ७ जना गरी १४० जना सक्रिय सङ्क्रमित होमआइसोलेशनमा छन् ।
जिल्ला अस्पतालमा तीन जना, गोकुलगङ्गा गाउँपालिकामा एक जना,लिखुतामाकोसी गाउँपालिकामा तीन जना र सुनापति गाउँपालिकामा एक जना गरी ८ जना सक्रिय सङ्क्रमित संस्थागत आइसोलेशनमा रहेको स्वास्थ्य कार्यालय रामेछापले जानकारी दिएको छ ।
