केही महिना रामेछापमा सुन्य रहेको कोरोना संक्रमण केहि दिनयता फेरी बढ्न थालेको छ । आज जिल्लामा एकैदिन २५ जना कोरोना सङ्क्रमित थपिएका छन् ।
आज जिल्ला अस्पताल रामेछापमा २ जना,प्राथमिक स्वास्थ्य केन्द्र मन्थलीमा १३ जना,लिखु तामाकोशी गाउँपालिकामा ४ जना,गोकुलगंगा गाउँपालिकामा ३ जना,उमाकुण्ड गाउँपालिकामा १ जना,खाँडादेवी गाउँपालिकामा १ जना र सुनापती गाउँपालिकामा १ जनामा कोरोना संक्रमण पुष्टि भएको छ ।
८ वटा स्थानिय तह रहेको रामेछापमा अहिले ८८ जना सकृय संक्रमित रहेको स्व्ाास्थ्य कार्यालय रामेछापका प्रमुख शान्तिराम खतिवडाले बताउनुभयो । उहाँले मास्क अनिवार्य लगाउन जिल्लावासीमा अनुरोध गर्नुभयो ।
जिल्लामा कोही खोप लगाउन छुटेको भए तुरुन्त स्वास्थ्य कार्यालयमा सम्पर्क राखी कोरोना बिरुद्धको खोप लगाउन उहाँले आग्रह गर्नुभयो । जिल्लामा यहि माघ ६ गतेदेखी १० गतेसम्म कोरोना विरुद्धको खोप अभियान सन्चालन हुने स्वास्थ्य कार्यालय रामेछापले जानकारी दिएको छ ।
यहि पौष ६ गतेदेखी १० गतेसम्म संचालन भएको अभियानमा पहिलो मात्रा खोप लिएका १२ देखी १७ वर्ष उमेर समुहका बालबालिकाहरुलाई यहि माघ ६ गतेदेखी १० गतेसम्म उक्त खोपको दोश्रो मात्रा लगाईने छ
