सत्तारुढ दल नेपाली काँग्रेसले नेपाली भूमि लिपुलेक क्षेत्रमा भारत सरकारले सडक निर्माण गरेकोप्रति आपत्ति जनाएको छ । महामन्त्रीद्वय गगनकुमार थापा र विश्वप्रकाश शर्माले हिजो संयुक्त विज्ञप्तिमार्फत सात बुँदे धारणा सार्वजनिक गर्दै दुई देश बीचका सबै प्रश्नमा कूटनीतिक संवादबाट समाधान गर्नुपर्नेमा जोड दिनुभएको छ ।
भारतीय प्रधानमन्त्री नरेन्द्र मोदीले ‘लिपुलेक क्षेत्रमा भारत सरकारले सडक बनाइरहेको’ भनेर केही दिनअघि एक कार्यक्रममा अभिव्यक्ति दिनुभएको थियो । त्यही विषयलाई लिएर काँग्रेसले आफ्नो धारणा सार्वजनिक गरेको हो । काँग्रेसले लिपुलेक, लिम्पियाधुरा र कालापानी नेपालको भू–भाग भएको दोहो¥याएको छ ।
महामन्त्रीद्वय थापा र शर्माले यी भूगोलमा नेपालको भोगाधिकार कायम हुनुपर्नेमा समेत काँग्रेस स्पष्ट भएको दाबी गर्नुभएको छ । काँग्रेसले कालापानीबाट भारतीय सैनिक फिर्ता हुनुपर्ने माग पनि गरेको छ ।
