बागमती प्रदेशका मुख्यमन्त्री अष्टलक्ष्मी शाक्यले प्रदेशसभामा विश्वासको मत लिन प्रस्ताव पेश गर्नुभएको छ । मुख्यमन्त्री शाक्यको प्रमुख राजनीतिक सल्लाहकार माधव अर्यालले प्रदेशसभाका सचिव कृष्णहरि खड्कालाई विश्वासको मत लिनेसम्बन्धी प्रस्ताव बुझाउनुभएको हो ।
शाक्यले आफ्नो दल नेकपा एमाले विभाजन भएकाले संविधानको धारा १८८ को उपधारा २ तथा प्रदेशसभा नियमावली २०७४ को नियम १४३ को उपनियम १ बमोजिम विश्वासको मत प्राप्त गर्न सूचना गरेको उल्लेख गर्नुभएको छ । उहाँले विश्वासको मत लिन प्रदेश सरकारले पर्सि प्रदेशसभा अधिवेशन आह्वान गर्न सिफारिस गरेको थियो ।
