नेपाली काँग्रेस रामेछापले जिल्लाका सवै वडाको अधिवेसन आगामि भदौ २३ गते बुधवारका दिन गर्दै छ । नेपाली काँग्रेस जिल्ला सभापति लबश्री न्यौपानेले दिनुभएको जानकारी अनुसार वडाअधिबेसन भदौ २३ गते एकै दिनमा सक्ने गरी कार्यतालिका सार्वजनिक गरिएको छ ।
पार्टी केन्द्रको कार्यतालिका भदौ १८ गतेको लागि तोकिएको भएपनि निर्वाचन अधिकृतले भदौ २३ गते जिल्लाको सबै वडा तहमा वडा अधिवेशनको मिति तोकेका हुन् सभापति न्यौपानेले भन्नुभयो । जिल्लामा आठ वटा स्थानीय तहमा ११ हजार २ सय २५ जना क्रियाशिल सदस्य रहेका छन् ।
रामेछापमा वडामा अधिवेशन गराउन विष्णु लुईटेल निर्वाचन अधिकृत खटिनुभएको छ । जिल्लामा अहिले वडाको अधिवेसनको लागी कांग्रेस नेताहरु दौडधुपमा छन । एउटै वडामा ४ देखी ५ जना वडा सभापतिको उम्मेद्वा्र देखिएका छन । जिल्ला सभापतिमा पनि कान्छाराम तामाङ,लवश्री न्यौपाने,लेख बं कार्की लगायत धेरले उम्मेद्वारी घोषणा गरिसकेका छन ।
