महालेखाको ५८औँ लेखापरीक्षण प्रतिवेदन अनुसार रामेछापका ७ स्थानीय तहको कुल ९ अर्ब १७ करोड ७३ लाख ३२ हजारको लेखापरीक्षण गर्दा १८ करोड ३७ लाख ९७ हजार रुपैयाँ बेरुजु देखिएको हो ।
कुन गाउँपालिकाको कति ?
खाँडादेवी गाउँपालिकाको १ अर्ब ३१ करोड ६२ लाख ३६ हजारको लेखापरीक्षणमा ५ करोड ६७ लाख ४ हजार बेरुजु देखिएको छ । सुनापति गाउँपालिकाको ८३ करोड ४८ लाख ९६ हजारको लेखापरीक्षण गर्दा २ करोड ४७ लाख ९२ हजार बेरुजु देखिएको छ ।
त्यस्तै दोरम्बा गाउँपालिकाको ९३ करोड ८६ लाख ९६ हजार को लेखापरीक्षण गर्दा १ करोड ५४ लाख ८७ हजार बेरुजु देखिएको छ । गोकुलगंगा गाउँपालिकाको १ अर्ब १४ करोड ९२ लाख १८ हजारको लेखापरीक्षण गर्दा ९७ लाख ६२ हजार बेरुजु देखिएको छ ।
मन्थली नगरपालिकाको १ अर्ब ९५ करोड १४ लाख ७३ हजारको लेखापरीक्षण गरिँदा १ करोड ८९ लाख ६२ हजार बेरुजु देखिएको छ ।
रामेछाप नगरपालिकाको २ अर्ब २ करोड २६ लाख १४ हजारको लेखापरीक्षण हुँदा ६० लाख ४१ हजार बेरुजु देखिएको छ ।
लिखु तामाकोशी गाउँपालिकाको भने २ आर्थिक वर्षदेखि लेखापरीक्षण भएको छैन ।
