दैनिक तिव्र रुपमा कोरोना संक्रमित बढ्दै गएको रामेछाप जिल्लामा केही दिनदेखी संक्रमित भन्दा कोरोनालाई जित्नेको संख्या बढ्दै छ । आज जिल्लाका ३० जना कोरोना संक्रमित थपिदा १४ जनाले कोरोनालाई जितेका छन । यो सँगै जिल्लामा कोरोना सङ्क्रमणमुक्त हुनेको सङ्ख्या एक हजार ६ सय ९ जना पुगेको छ ।
आज रामेछाप नगरपालिकाबाट ३ जना, दोरम्बा गाउँपालिकाबाट ६ जना, सुनापती गाउँपालिकाबाट ४ जना, गोकुलगंगा गाउँपालिकाबाट १ जनाले कोरोना जितेको स्वास्थ्य कार्यालय रामेछापले जनाएको छ । जिल्लामा आज ३० जना कोरोना संक्रमित थपिएका छ्न ।
जिल्ला अस्पतालमा ५ जना, सुनापती गाउँपालिकामा ११ जना, गोकुलगंगा गाउँपालिकामा ८ जना,उमाकुण्ड गाउँपालिकामा ३ जना,लिखुतामाकोशी गाउँपालिकामा २ जना र खाँडादेवी गाउँपालिकामा १ जनामा एन्टिजेन रिपोर्ट पनि पोजेटिभ आएको छ । यो सँगै कोरोनाको दोश्रो लहर अन्तर्गत जिल्लामा कोरोना संक्रमित हुनेको संख्या एक हजार ८ सय ६० पुगेको छ ।
जिल्लामा कोरोनका सक्रिय सङ्क्रमितको सङ्ख्या २३४ जना पुगेको छ । १९ जनालाइ भने जिल्लामा उपचार सम्भव नभएर अन्यत्र रिफर गरिएको छ । जिल्लामा कोरोना संक्रमण भएर १७ जनाले ज्यान गुमाएका छ्न ।
