रामेछापको पुरानो सदरमुकाम रामेछाप बजारमा साप्ताहिक रुपमा लाग्दै आएको रामेछापको विहिबारे हाट स्थगित भएको छ । नेपालमा कोराना भाईरसको संक्रमण बढ्दै गइरहेको भन्दै जिल्लामा संक्रमण नफैलियोस भन्नको लागी रामेछाप नगरपालिकाले विहिबारे हाट स्थगित गरेको हो ।
वडा नम्बर ३ साँघुटार बजारमा लाग्दै आएको हाट पनि स्थगित भएको छ । नगरपालिकामा आज बसेको विपद व्यवस्थापन निर्देशन समितिको बैंककले यस्तो निर्णय गरेको हो । अर्को सुचना जारी नभसम्मको लागी हाट बन्द गरिएको नगरपालिकाका स्वास्थ्य शाखा प्रमुख विष्णु बं कार्कीले जानकारी दिनुभयो । कोरोना भाईरस न्युनिकरणका लागी अरु ठाउँबाट नगरपालिका क्षेत्र भित्र प्रवेश गर्ने व्यक्तिहरुलाई अनिवार्य क्वारेन्टिनमा बस्न नगरपालिकाले आग्रह गरेको छ । नगरपालिकाले क्वारेनटाईन र आईसोलेसन कक्ष पुन स्थापना गर्ने भएको छ । नगरका शैक्षिक संस्था अर्को सुचना जारी नभएसम्मका लागी बन्द गर्ने निर्णय भएको छ ।
साथै कोरोना भाईरस जोखिम न्यनिकरणका लागी अडियो सन्देश सुरक्षाकर्मीको सहयोगमा नगरभित्रका मुख्य बजार तथा बस्तीहरुमा माईकिङ गर्ने , स्थानिय सन्चारमाध्यमबाट सुचना प्रसारण गर्ने, तपाईको मास्क खै ? भन्ने अभियान सन्चालन गर्ने लगायतका महत्वर्ण निर्णयहरु गरेको नगरपालिकाले जनाएको छ ।
विवाह,ब्रतबन्ध,पुजाआजा,सेमिनार तथा बैठकहरुमा २५ जना भन्दा बढी भेला नहुन पनि नगरपालिकाले नागरीकहरुलाई आग्रह गरेको छ । नागरिकलाई सामाजिक दुरी, मास्क र स्यानिटाइजरको राम्रोसँग प्रयोग गर्न नगरपालिकाका प्रमुख नर ब. थापा मगरले आग्रह गर्नुभयो । भिडभाडमा नजान र अत्यावश्यक कामपरि घर बाहिर ननिस्कन नगर प्रमुख थापा मगरले अपिल गर्नुभयो ।
