रामेछाप जिल्लामा पछिल्लो समयमा सवारी चेक जाँचमा कर्डाई गरिएसँगै यस वर्ष दशैँमा सवारी दुर्घटनामा कमी आएको छ । यस वर्ष जिल्ला ट्राफिक प्रहरी कार्यलय रामेछापले दशैँ तिहार लक्षित विशेष सुरक्षा चेक जाँच तथा अनुगनमा कडाई गरेको थियो । यस वर्ष दशैँ तिहारको समयमा जिल्लामा मानविय क्षति हुने गरी एउटा पनि दुर्घटना नभएको जिल्ला प्रहरी कार्यालय रामेछापका प्रमुख वशन्त पाठकले ईरामेछापलाई जानकारी दिनुभयो । विगतका वर्षहरुको तथ्याङ्घ हर्दा यस वर्ष जिल्लामा दुर्घटनामा निकै कमी आएको देखिन्छ ।
यस वर्ष बढी भाडा लिने र धेरै यात्रु बोक्ने सवारी साधनहरु कारबाहिमा परेका छन । जिल्ला ट्राफिक प्रहरी कार्यलय रामेछापले दिएको जानकारी अनुसार जिल्लामा कार्तिक १ गतेदेखि आजसम्मको अवद्यिमा ५ सय ९ वटा सवारी साधनहरु कारबाहिमा परेका छन । ति सवारी साधन कारबाहिबाट ५ लाख २६ हजार ५ सय रुपैयाँ राजश्व संकलन गरिएको ट्राफिक प्रहरी रामेछापका प्रमुख रामेश्वर पाण्डेले ईरामेछापलाई बताउनुभयो । यस वर्ष ट्राफिक प्रहरी रामेछापका जनशक्तिहरु दशैँ तिहार विदा नबसि ड्युटिमा खटिएका थिए ।
