नेपाल कम्युनिस्ट पार्टी नेकपाका उपाध्यक्ष बामदेव गौतमले आफू पार्टीको कुनै पनि गुटमा नलाग्ने प्रष्टीकरण दिनुभएको छ । आज विहान नेकपा अध्यक्ष पुष्पकमल दाहाल प्रचण्डसँगको भेटमा गौतमले आफू सानो, ठूलो कुनै पनि गुटमा नलाग्ने बताउनुभएको हो । गौतम निवासमा पुग्नुभएका अध्यक्ष प्रचण्डले सोधेको प्रश्नमा उहाँले कुनै गुटमा पनि नलाग्ने जवाफ दिनुभएको छ । गौतमले आफू पार्टी एकताप्रति दृढ रहेको भन्दै कुनै निश्चित नेता वा विचार समूहको पक्षमा नरहेको पनि प्रचण्डलाइ जवाफ दिनुभएको थियो । पार्टीमा समाधान खोज्न भन्दै साउन १३ गते गौतमले प्रधानमन्त्री ओलीको समर्थनमा देखिने जस्तो ६ बुँदे प्रस्ताव ल्याएपछि पार्टी भित्र गुटको बहस थप बढेको छ ।
पार्टीको कुनै पनि गुटमा नलाग्ने नेकपा उपाध्यक्ष गौतमको भनाइ
