देशभरमा आज सामन्यतया बदलीसहित केही स्थानमा हल्कादेखि मध्यम वर्षा हुने जल तथा मौसम पूर्वानुमान महाशाखाले अनुमान गरेको छ । मनसुनी वायु तथा मनसुनी न्यून चापीय रेखाको प्रभावका कारण बदली तथा वर्षा हुने भएको हो । विगत केही दिनको तुलनामा मनसुन केही कमजोर भए पनि निष्क्रिय नरहेको मौसमविद शान्ति कँडेलले बताउनुभयो । पूर्वदेखि पश्चिमका विभिन्न स्थानमा दिउँसो र राति बलदी तथा हल्कादेखि मध्यम वर्षाको सम्भावना रहेको उहाँको भनाइ छ । विगतका दिन भन्दा आज पानीको मात्रा कम भए पनि भोलि साँझदेखि पुनः मौसम सक्रिय हुने र दुईतीन दिन ठूलो झरी पर्ने महाशाखाले जनाएको छ । देशभरका नदीमा पानीको बहाव बढ्ने, पहिरो तथा बाढीको जोखिम हुने भएकाले सचेत हुनुपर्ने मौसमविद् कँडेलले बताउनुभयो ।
आज बदलीसहित केही स्थानमा हल्कादेखि मध्यम वर्षा हुने
