“हामी सवैको प्रतिवद्धता, लैङ्गिक हिंसा अन्त्यको ऐक्यवद्धता“ भन्ने मुल नाराका साथ लैङ्गिक हिंसा विरुद्धको १६ दिने अभियान सोमबार(आज) बाट सुरु भएको छ । यो अभियानको पहिलो दिन रामेछापको मन्थली नगरपालिकाले सरसफाई कार्यक्रम गरेको छ ।
मन्थली बसपार्क हुँदै,एर्पोट क्षेत्र र हाटेचौर क्षेत्रमा सरसफाई गरिएको मन्थली नगरपालिकाले जानकारी दिएको छ । सरफाई पश्चात भएको कोण सभा कार्यक्रममा बोल्ने विभिन्न वक्ताहरुले लैङ्गिक हिंसा अन्त्य गर्न सबैको भुमिका महत्पुर्ण हुने बताएका थिए ।
लैङ्गिक हिंसाविरुद्धको १६ दिने अभियान विभिन्न कार्यक्रम गरेर मनाईदै आएको छ । महिला हिंसा अन्त्य दिवसका अवसरमा हरेक वर्ष यो अभियान चल्ने गरेको छ । सोमबारदेखि १० डिसेम्बरसम्म चल्ने अभियानमा सरकारी तथा गैरसरकारी निकाय क्षेत्रबाट विभिन्न चेतनामूलक कार्यक्रम हुने गरेका छन् ।
डोमिनिकन रिपब्लिकमा तत्कालीन त्यहाँका तानासाह राफेल ट्रुलिजाले तीन महिला अधिकारकर्मीलाई क्रूर तरिकाले हत्या गर्ने निर्देशन दिएका थिए । उनको निर्देशनअनुसार तीन मिराबल दिदीबहिनीको हत्या भएको थियो ।
सोही दिनको सम्झनामा अन्तर्राष्ट्रिय महिला हिंसा अन्त्य दिवसका रूपमा मनाउन थालिएको हो । ७ फेब्रुअरी २००० मा संयुक्त राष्ट्र सङ्घको महासभाले २५ नोभेम्बरलाई अन्तर्राष्ट्रिय महिला हिंसा अन्त्य दिवसका रूपमा मनाउन औपचारिक रूपमा सुरुवात गरेको हो ।
