रामेछापमा यहि चैत्र १५ गते बिहिबारदेखी सुरु हुने माध्यमिक शिक्षा परीक्षा (एसइई) को तयारी पुरा भएको छ । एसइई परीक्षाको सम्पुर्ण तयारी पुरा भएको शिक्षा विकाश तथा समन्वय इकाई रामेछापका प्रमुख नेत्र प्रसाद गजुरेलले बताउनुभयो । यो वर्ष रामेछापका २७ सयभन्दा बढी विद्यार्थी परीक्षामा सहभागी हुँदैछन ।
जिल्लाका दुई नगरपालिका र ६ वटा गाउँपालिका गरी ८ वटा स्थानीय तहमा ९६ वटा माध्यमिक विद्यालय रहेका छन । ति विद्यालयका २७ सय ९४ जना विद्यार्थी एसइई परीक्षामा सहभागी हुन लागेका हुन् । जसमा नियमित साधारण तर्फका २६ सय ५९ जना,प्राविधिक तर्फका १ सय १० जना र ग्रेड बृद्धि तर्फका २५ जना परिक्षार्थी परिक्षामा सामेल हुने शिक्षा विकास तथा समन्वय इकाई प्रमुख गजुरेलले जानकारी दिनुभयो ।
यसैबिच माध्यामिक शिक्षा परीक्षा (एसइई) को लागि २२ वटा परिक्षा केन्द्र तोकिएको शिक्षा विकास तथा समन्वय इकाई प्रमुख गजुरेले जानकारी दिनु भएको छ ।
