रामेछापको रामेछाप नगरपालिका वडा नं ८ ले बाग्मती प्रदेश स्तरीय राष्ट्रपति रनिङ शिल्ड प्रतियोगिता खेल्न छनोट भएका वडाका खेलाडीलाई नगद सहित सम्मान गरेको छ ।
आज(शुक्रबार) वडा कार्यालयमा वडा नं ८ का वडाअध्यक्ष सन्तोष तामाङ्गले ४ जना खेलाडी र प्रशिक्षकलाई सम्मान गर्नुभएको हो । गएको पुस २४ गते सम्पन्न जिल्ला स्तरीय राष्ट्रपति रनिङ शिल्ड प्रतियोगितामा उत्कृष्ट खेल प्रदर्शन गर्ने वडाका खेलाडी र प्रशिक्षक सम्मानित भएका हुन ।
तेक्वान्दोमा स्वर्ण पदक जित्न सफल आकृती मगर र कल्याणी तामाङ्ग,उसुमा स्वर्ण पदक जित्न सफल निकिता शाही र कबड्डीमा रजत पदक जित्न सफल ओलीसा नेवा खड्गी सम्मानित भएका हुन । खेलाडीसँगै प्रशिक्षक टिकाराम राना मगरलाई पनि वडाले सम्मान गरेको हो ।
सम्मानित खेलाडीलाई वडाअध्यक्ष तामाङ्गले जनही नगद ३ हजारसँगै खादा लगाएर सम्मान गर्नुभयो । वडाअध्यक्ष तामाङ्गले खेलाडीलाई प्रदेश स्तरीय प्रतियोगितामा पनि उत्कृष्ट भएर आउनु भन्दै शुभकामना व्यक्त गर्नुभयो ।
उहाँले उक्त प्रतियोगितामा पनि उत्कृष्ट भएर आए थप सहयोग गरिने प्रतिबद्धता व्यक्त गर्नुभयो । यही फागुन २१ गते देखि चितवनमा बागमती प्रदेश स्तरीय राष्ट्रपति रनिङ शिल्ड प्रतियोगिता हुँदैछ ।
