रामेछापको सदरमुकाम समेत रहेको मन्थली नगरपालिकाद्धारा आयोजीत दोस्रो मन्थली नगरकप रनिङ्ग शिल्ड पुरुष भलिवल प्रतियोगिता–२०८० बुधबार(आज)आजबाट सदरमुकाम मन्थलीमा शुरु भएको छ ।
मन्थली नगर खेलकुद विकास समितिको संयोजनमा शुरु भएको ३ दिने नगरकप प्रतियोगिताको मन्थली नगरप्रमुख लव श्रेष्ठले एक समारोहका वीच उद्धघाटन गर्नुभयो । उहाँले उद्धघाटन कार्यक्रममा बोल्दै नगरपालीकाले खेल क्षेत्रमा गरेको लगानीलाई सहि ढंगले सदुपयोग गर्न पनि आग्रह गर्नु भयो । खेलकुदको उद्घाटन् सत्रमा प्रमुख जल्ला अधिकारी,नगर उप प्रमुख नगरका पूर्व प्रमुख रमेश बस्नते,नेपाल पत्रकार महासंघ,रामेछाप उद्योग वाणिज्य संघ र नगर स्तरिय राजनितीक दलका प्रतिनिधिहरुले प्रतियोगीता सफलताको शुभकामना दिएका थिए ।
मन्थली नगर खेलकुद विकास समितिका अध्यक्ष गोपाल वहादुर माझीका अनुसार मन्थली नगरपालिका भित्रका १४ वडाहरुको १४ टिमहरुविच प्रतिस्पर्धा हुने छ । खेलका लागि मन्थली नगरपालीकाले ८ लाख रुपैयाँ विनियोजन गरेको भएपनि सबै वडा कार्यालयहरुले टीमको थप ब्यवस्थापनका लागि कम्तिमा ३ लाख रुपैयाँ थप्नु पर्ने अवस्था रहेको वडा नं १२ का वडा अध्यक्ष खिलेन्द्र खत्रिले जानकारी दिनुभयो ।
आगामी २७ गते सम्म चल्ने उक्त प्रतियोगिताको प्रथम, द्वितिय, तृतिय र सान्त्वना हुने प्रतियोगीहरुलाई क्रमश नगद रु एक लाख ,द्धितिय हुने टीमलाई ७५ हजार र तितृय हुने टीमलाई ५० हजार, र तीस हजार नगद सहित, ट्रफि,शिल्ड,मेडल र प्रमाणपत्र दिइने आयोजकले जनाएको छ ।
