सिन्धुलीको गोलन्जोर गाउँपालिकामा भएको राष्ट्रपति रनिङ शिल्डको उपाधि कौशिका मावि ग्वालटारले जितेको छ । गत शुक्रवारदेखि सुरु भएको अन्तर माद्यामिक विद्यालय स्तरीय राष्ट्रपति रनिङ शिल्डको उपाधि कौशिका मावि ग्वालटारले जितेको हो ।
आइतबार सम्पन्न खेलमा १५ स्वर्ण, ८ रजत र ६ कास्यसहित कौशिका माविले ग्वाल्टारले उपाधि जितेको गोलन्जोर गाउँपालिका खेलकुद विकास समितिका अध्यक्ष रन्जित देवकोटाले जानकारी दिनुभयो ।
त्यस्तै प्रतियोगिता ७ स्वर्ण, ६ रजत र ७ कास्य पदक सहित जन ज्योति माविमा खुर्कोट दोस्रो बनेको छ भने ४ स्वर्ण, १ रजत र ३ कास्यसहित शारदा मावि बेखटाडी तेस्रो भएको छ ।
विजेता, उपविजेता खेलाडीहरूलाई पालिकाका अध्यक्ष शंकर राज बराल,उपाध्यक्ष ज्वाला प्रसाद न्यौपाने र प्रमुख प्रशासकीय अधिकृत ठाकुर प्रसाद दाहालले संयुक्त रुपमा शिल्ड, ट्रफि, मेडल र प्रमाण पत्र पुरस्कार प्रदान गर्नुभयो ।
तीन दिनसम्म संचालन भएको रनिङ शिल्डमा पालिकाका १० माद्यामिक विद्यालयहरूको सहभागिता रहेको थियो ।
