रामेछापको सदरमुकाम समेत रहेको मन्थली नगरपालिकामा छैटौँ राष्ट्रपति रनिङ्ग शिल्ड प्रतियोगिता जारी छ । प्रतियोगिताको शुक्रबार सङ्घीय सांसद पूर्ण बहादुर तामाङ(कान्छाराम)ले उद्धघाटन गर्नुभयो । प्रतियोगितामा नगरभरीका २२ वटा माध्यमिक विद्यालयहरूले सहभागीता जनाएका छन । ३ दिनसम्म सन्चालन हुने प्रतियोगितामा भलिबल,कबड्डी,सर्टफुट,दौड,ज्याबलिङ थ्रो लगायतका खेलहरु खेलाईने छ ।
