एक १७ बर्षकी किशोरीलाई जबरजस्ती करणी गरी फरार रहेका युवकलाई रामेछाप प्रहरीले पक्राउ गरेको छ । पौष ३ गते दिउँसो २ बजेको समयमा रामेछापको लिखुतामाकोशी गाउँपालिका वडा नं. ६ खिम्ती स्थित डल्ले चौताराको जंगलमा किशोरीमाथि जबरजस्ती करणी भएको थियो ।
बिद्यालयबाट आफ्नो घरतर्फ गईरहेको अवस्थामा लिखुतामाकोशी गाउँपालिका वडा नं. ६ बस्ने बर्ष २२ को अम्वर बहादुर कडरियाले किशोरीलाई जबरजस्ती करणी गरी फरार भएका थिए । कडरियालाई पक्राउ गरी जिल्ला अदालत रामेछापबाट म्यादथप भई अनुसन्धान कार्य भैरहेको रामेछाप प्रहरीले जानकारी दिएको छ ।
