सञ्चार रजिष्ट्रारको कार्यालय बागमती प्रदेश हेटौडाले २० भन्दाबढी पत्रकारलाई मोबाइल पत्रकारिता तालिम दिइएको छ । रामेछापको जिल्ला सदरमुकाम मन्थलीमा ५ दिनसम्म चलेको तालिको आज (शनिबार) समापन गरिएको छ ।
तालिम समापन कार्यक्रमको प्रमुख अतिथि समेत रहनुभएका बाग्मती प्रदेश सभा सदस्य एवं रामेछापका सांसद युवराज चौँलागाईले तालिममा सहभागी पत्रकारहरुलाई प्रमाण पत्र प्रदान गर्नुभयो । सो कार्यक्रममा बोल्दै उहाँले सञ्चार रजिष्ट्रारको कार्यालयले यो तालिम रामेछापमा आयोजना गरेकोमा धन्यवाद व्यक्त गर्नुभयो ।
यसभन्दा अघि पनि सञ्चार रजिष्ट्रारको कार्यालयले मन्थलीमै रेडियो प्राविधिकहरुका लागी तालिम संचालन गरेको थियो । उक्त कार्यक्रममा बोल्दै सञ्चार रजिष्ट्रार रेवती प्रसाद सापकोटाले पत्रकारहरुलाई दक्ष बनाउन उनिहरुको आवश्यकता अनुसार तालिम प्रदान गर्दै आएको बताउनुभयो ।
आगामी दिनहरुमा पनि यस्ता तालिमहरुलाई निरन्तरता दिइने उहाँले बताउनुभयो । यहि मंसिर २६ गतेदेखी सुरु भएको तालिममा बाग्मती प्रदेशभरका २० भन्दा बढी पत्रकारहरुको सहभागीता रहेको थियो ।
