रामेछापमा ट्रयाक्टरको पार्टपुर्जाहरु चोरी गरेको आरोपमा एक युवक पक्राउ परेका छन । ट्रयाक्टरको पार्टपुर्जाहरु चोरी गरेको आरोपमा मन्थली नगरपालिका–१ सापमारेका २० वर्षीय प्रदिप भुजेललाई पक्राउ गरिएको जिल्ला प्रहरी कार्यालय रामेछापले जानकारी दिएको छ ।
प्रदीप भुजेल र रमेश भुजेलले चोरी गरेको ट्रयाक्टरको पार्टपुर्जाहरु कवाडी पसलमा बेच्न लागेको अवस्थामा प्रदीपलार्ई प्रहरीले नियन्त्रणमा लिएको थियो भने रमेश फरार रहेका छन् । फरार रहेका उनको खोजीकार्य भइरहेको प्रहरीले जनाएको छ ।
प्रदिप र रमेश भुजेलले असोज १५ गते मन्थली बजारमा रहेको आर के वर्कसपबाट ट्रयाक्टरको विभिन्न पार्टपुर्जा चोरी गरेका थिए । जसमा उनीहरुले ट्रयाक्टरको हाईड्रोलिकमा प्रयोग हुने डिस्टीब्युटर २ थान, गियर सापट ५ दाँते ३ थान, काउन्टर गियर १ थान, गियर बक्स हन्डी ३ थान, फोरहुईल सपोट १ थान, फोरहुईल ढिका १ थान र पत्ता १ थान सहित ट्रयाक्टरका पार्ट पुर्जाहरु चोरी गरेका थिए ।
पक्राउ परेका प्रदिपलाई भने चोरी कसुरमा जिल्ला अदालत रामेछापबाट ५ दिनको म्याद थप गरी अनुसन्धान भइरहेको रामेछाप प्रहरीले जानकारी दिएको छ ।
