रामेछाप जिल्लाको पहिलो माध्यमिक विद्यालय श्री गौरीशंकर माध्यमिक विद्यालयका सेवा निवृत प्रधानाध्यापक नीर बहादुर कार्कीलाई सम्मान सहित विदाइ गरिएको छ ।
शुक्रबार(आज) विद्यालयमा आयोजित एक कार्यक्रमका विच सेवा निवृत प्रअ कार्कीलाई शिक्षक,अभिभावक,विद्यार्थी,जनप्रतिनिधि,विभिन्न राजनीतिक दलका प्रमुख एवं प्रतिनिधि लगायतले सम्मान पत्र र मायाको चिनो प्रदान गरि सम्मान गरेका थिए ।
विगत १९ वर्षदेखी सो विद्यालयको प्रअको रुपमा कार्यरत कार्कीको उमेर हदका कारण अनिवार्य अवकास भएको थियो । प्रअ कार्कीलाई फेरि भेटौँला भन्दै कार्यक्रममा उपस्थित सबैले विद्यालयको विकासमा पु¥याएको योगदानको चर्चा गरेका थिए ।
पन्चे बाजा सहित रामेछाप बजारमा प्रअ कार्कीको सम्मानमा र्याली समेत निकालिएको थियो । सबैको मन जितेर प्रअ कार्की सेवा निवृत हुनुभएको छ ।
