रामेछापको सदरमुकाम मन्थलीमा रहेको मन्थली माध्यमिक विद्यालयको नवनिर्मित विद्यालय भवनको आज उद्धघाटन गरिएको छ । बाग्मती प्रदेशका मुख्य मन्त्री शालिकराम जम्कट्टेलले भवन उद्धघाटन गर्नुभएको हो ।
एसियाली विकास बैँकको आर्थिक सहयोगमा निर्माण भएको ३६ कोठे भवनको उद्धघाटन गर्दै मुख्य मन्त्री जम्कट्टेले बाग्मती प्रदेश सरकारले शिक्षा क्षेत्रको सुधारका लागी धेरै कामहरु गरेको बताउनुभयो ।
शिक्षा,स्वास्थ्य,कृषि र सडकलाई प्राथमिकता दिएर आगामी आर्थिक वर्षको बजेट ल्याउने तयारी भैरहेको पनि उहाँले बताउनुभयो । खानि निर्माण सेवा प्रालीले १५ करोड ८६ लाख ४७ हजार ५ सय ५३ रुपैया लागतमा उक्त भवन निर्माण गरेकोे हो ।
