आज बिहान सात बजेदेखि भइरहेको प्रतिनिधि तथा प्रदेश सभा सदस्य निर्वाचनमा रामेछापका एक सय एक वर्षका वृद्ध नर बहादुर कार्कीले मतदान गर्नुभएको छ ।
रामेछाप नगरपालिका वडा नं ७ सुकाजोर स्थिति हिलेपानी मतदान स्थलमा कार्कीले मतदान गर्नुभएको हो । २००७ साल देखि पटक पटक आफुले मतदान गर्दै आएको उहाँले बताउनुभयो । यो पटक पनि भोट हाल्न पाउँदा एकदमै खुसी लागेको उहाँले बताउनुभयो ।
रामेछापमा प्रतिनिधिसभा सदस्यका लागि स्वतन्त्र ५ जना सहित २२ जना उम्मेदवार चुनावी प्रतिस्पर्धामा छन् भने प्रदेशसभा क मा ११ जना र प्रदेशसभा ख मा १२ जना उम्मेदवार चुनावी प्रतिस्पर्धामा छन् । प्रदेश क मा ८७ हजार ६३३ र प्रदेश ख मा ९२ हजार ४७३ जना गरी जिल्लामा एक लाख ८० हजार १०६ जना मतदाता रहेका छन् ।
