रामेछापको गोकुलगंगा गाउँपालिकामा मतदाता शिक्षा सम्बन्धि एक दिने अनुशिक्षण कार्यक्रम सम्पन्न भएको छ । गाेकुलगंगा गाउँपालिकास्तरीय मतदाता शिक्षा समन्वय समितिको अायाेजनामा पालिका भित्रका सबै सामुदायिक विद्यालयका प्र.अ, ६ वटै वडाका वडा सचिब, सबै वडाका महिला स्वास्थ्य स्वयम सेविकाहरुलाई मतदाता शिक्षा सम्बन्धि १ दिने अनुशिक्षण दिइएको गाउँपालिकाका प्रमुख प्रशासकीय अधिकृत होम बहादुर थापाले जानकारी दिनुभयो ।
यहि मंसिर ४ गते हुने प्रतिनिधि तथा प्रदेश सभा सदस्य निर्वाचनलाई लक्षित गरि उत्त कार्यक्रमको आयोजना गरिएको हो । अनुशिक्षण कार्यक्रममा मतदान गर्ने तरिका,मतपत्र पट्ट्याउने तरिका लगायत मतदाता शिक्षा सम्बन्धि विभिन्न कुराहरूको बारेमा जानकारी गराइएको थियो ।
उत्त अनुशिक्षण पश्चात् अाजैबाट सबै वडामा मतदाता शिक्षा सामाग्रीहरु सहित महिला स्वास्थ्य स्वयम सेविकाहरु १५ दिने समुदायस्तर / घरदैलाे कार्यक्रम संचालनका लागि अा अाफ्नाे वडामा प्रस्थान गरेका छ्न । गाउँपालिकाका अध्यक्ष काजी बहादुर खड्काकाे प्रमुख अातिथ्यतामा अनुशिक्षण कार्यक्रम सम्पन्न भएको हो ।
