रामेछापको रजयछापमा भिषण आगोलागी ११ घर जलेर नष्ट,आगो नियन्त्रणमा लिन समस्या

रामेछापको रजयछापमा भिषण आगोलागी ११ घर जलेर नष्ट,आगो नियन्त्रणमा लिन समस्या

रामेछापको रामेछाप नगरपालिका वडा नं ७ रजयछापमा भिषण आगोलागी भएको छ । आज दिउँसो रजयछापमा आगोलागी हुँदा ११ घर जलेर नष्ट भएको छ । रजयछापका चिरन्जिवी श्रेष्ठ,एकलाल श्रेष्ठ,हिम लाल श्रेष्ठ,भिमलाल श्रेष्ठ, दलबहादुर मगर, ठेकबहादुर मगर, चेत बहादुर मगर, इश्वरीलाल श्रेष्ठ, धनबहादुर श्रेष्ठ,धन ब मगर र शंकरकुमार श्रेष्ठको घर जलेर नष्ट भएको वडाअध्यक्ष समिर कार्कीले जानकारी दिनुभयो ।

आगो के कारणले लागेको भन्ने खुलेको छैन । प्रहरी,सेना र स्थानियहरुले आगो नियन्त्रणमा लिने प्रयास गरिरहेको भएपनि अप्ठ्यारो ठाउँ र भिरपाखा भएको कारणले आगो नियन्त्रणमा लिन निकै समस्या भएको प्रहरी चौकी रामेछाप डाँडाले जनाएको छ । आगोले रजयछाप पुरै गाउँ जोखिमा परेको छ ।

 

प्रतिक्रिया दिनुहोस्

सम्बन्धित समाचार