प्रधानमन्त्री केपी शर्मा ओली आज सिन्धुपाल्चोकको बाढीग्रस्त क्षेत्र मेलम्ची आउनुहुने भएको छ । यहीअसार १ गते भ्रेमाथाङ पहिरोका कारण मेलम्ची नदीमा लेदोसहितको पहिरो आएपछि हेलम्बु गाउँपालिका र मेलम्ची नगरपालिकामा पुगेको क्षतिको बारेमा अवलोकनका लागि प्रधानमन्त्री ओली आउनलाग्नु भएको प्रधानमन्त्रीको निजी सचिवालयले जानकारी दिएको छ । बिहान १० बजे प्रधानमन्त्री ओली त्यसतर्फ आउने तयारी भएको सत्तारुढ नेकपा एमालेका कार्यालय सचिव शेरबहादुर तामाङले बताउनुभयो । प्रधानमन्त्रीका साथमा खानेपानीमन्त्रीको समेत जिम्मेवारी पाउनुभएका भौतिक पूर्वाधार मन्त्री वसन्त नेम्वाङ, पूर्वमन्त्री तथा पार्टी कार्यालय सचिव तामाङ लगायत पनि सिन्धुपाल्चोक आउने तयारी छ ।
प्रधानमन्त्री ओली आज सिन्धुपाल्चोक आउँदै
