अवैध रुपमा खोलामा करेन्ट लगाएर माछा मार्दै गरेका नौ जनालाई रामेछाप प्रहरीले पक्राउ गरेको छ । जिल्लाको लिखु तामाकोसी गाउँपालिका वडा नं ६ को खिम्ती खोलामा अवैध रुपमा करेन्ट लगाएर माछा मार्दै गरेका उनिहरुलाई पक्राउ गरिएको रामेछाप प्रहरीले जनाएको छ । जिल्ला प्रहरी कार्यालय रामेछाप र प्रहरी चौकी खिम्तीबाट खटिएको प्रहरीको टोलीले उनिहरुलाई माछा मार्न प्रयोग गरिएको सामान सहित पक्राउ गरेको हो ।
खिम्ती खोलामा अवैध रुपमा करेन्ट लगाएर माछा मार्दै गरेका मन्थली नगरपालिका घर भएका २५ बर्षिय सुनिल माझी, ४० बर्षिय शेर बहादुर माझी,३६ बर्षिय शमशेर बहादुर माझी, २३ बर्षिय विष्णु माझी, ३० बर्षिय मिलन माझी, ४० बर्षिय सन्त माझी, ३० बर्षिय नविन माझी, १९ बर्षिय विपन माझी र २५ बर्षिय राजकुमार माझीलाई प्रहरीले पक्राउ गरेको हो । पक्राउ गरिएका नौ जनालाई जनही पाँच पाँच हजार रुपैयाँ जरिवाना गरिएको प्रहरीले जनाएको छ ।
