उपराष्ट्रपति नन्दबहादुर पुनले महान चाड बडादसैँलाई कोरोना भाइरस सङ्क्रमण थप फैलने माध्यम बन्न नदिन र मनाउँदा स्वास्थ्य सुरक्षामा अधिक ध्यान दिन सबैमा अनुरोध गर्नुभएको छ । विजया दशमीका अवसरमा आज शुभकामना सन्देश दिँदै उहाँले कोरोना महामारीका कारण यस वर्षको दसैँ विगत वर्षको जस्तो उल्लासमय वातावरणमा मनाउने अवस्था नरहेको उल्लेख गर्नुभएको छ । उपराष्ट्रपति पुनले जो जहाँ छ त्यही अवस्थामा घरमै बसेर दसैँ मनाउने विश्वास व्यक्त गर्दै कोरोनाको सङ्क्रमण र मृत्युदर दुवै निरन्तर बढिरहेको र आगामी दिनमा सङ्क्रमण अझै बढ्ने सम्भावनाले आफूलाई अत्यन्त चिन्तित बनाएको उल्लेख गर्नुभएको छ । दसैँमा पनि कोरोना भाइरस रोकथाम, नियन्त्रण तथा उपचारका लागि अग्रभागमा खटिएका स्वास्थ्यकर्मी र सुरक्षाकर्मी तथा सबैमा सम्मान व्यक्त गर्दै अस्पतालको शय्या तथा आइसोलेशनमा रहेका संक्रमित छिट्टै कोरोनामुक्त हुने र उनीहरूको आगामी दसैँ उल्लासमय हुने अपेक्षा उपराष्ट्रपति पुनले गर्नुभएको छ ।
स्वास्थ्य सुरक्षामा विशेष ध्यान दिन उपराष्ट्रपति पुनको अपील
