रामेछाप जिल्लामा मंगलबार अर्थात आजसम्म १६ सय २६ जनाको पीसीआर विधिबाट कोरोना भाइरस कोभिड १९ को परीक्षण गरिएको छ । यि मध्ये १४ सय ६० जनाको रिपोर्ट नेगेटिभ आएको छ भने ८१ जनाको रिपोर्ट पोजेटिभ आएको छ । अझै ८५ जनाको रिपोर्ट आउन बाँकी रहेको स्वास्थ्य कार्यालय रामेछापले जानकारी दिएको छ । जिल्ला अस्पतालबाट १३ , मन्थली नगरपालिकाबाट २७ , उमाकुण्ड गाउँपालिकाबाट ३७ र रामेछाप नगरपालिकाबाट ८ जना गरी ८५ जनाको स्वाब संकलन गरी पिसिआर परीक्षणका लागी पठाइएको छ । उनिहरुको रिपोर्ट केहि दिनमा आउने छ ।
जिल्लामा विभिन्न समयमा कोरोना संक्रमण पुष्टि भएका १७ जनाको उपचार भईरहेको छ । अहिले सम्मसम्म जिल्ला अस्पतालमा ९५ , रामेछाप सामुदायिक अस्पतालमा ६१ जना , मन्थली नगरपालिकामा ५ सय ३३ , रामेछाप नगरपालिकामा १ सय ८९ , उमाकुण्ड गाउँपालिकामा ६५ , खाँडादेवी गाउँपालिकामा ६५ , गोकुलगंगा गाउँपालिकामा २ सय ५३ , दोरम्बा गाउँपालिकामा ४०, लिखुतामाकोशी गाउँपालिकामा १ सय ३१ र सुनापति गाउँपालिकामा ६१ जना गरि १ हजार ६ सय २६ जनाको पीसीआर विधिबाट कोरोना परीक्षणका लागि स्वाब संकलन गरिएको स्वास्थ्य कार्यालय रामेछापले जानकारी दिएको छ ।
जिल्लामा ३० जना क्वारेन्टिनमा
जिल्लाको विभिन्न पालिकाहरुमा आजसम्म ३० जना क्वारेन्टिनमा रहेका छन । ९ जना महिला र २१ जना पुरुष गरी ३० जना क्वारेन्टिनमा रहेको स्वास्थ्य कार्यालय रामेछापले जनाएको छ । रामेछाप नगरपालिकामा २ , ,उमाकुण्ड गाउँपालिकामा २ र गोकुलगंगा गाउँपालिकामा १८ र लिखु तामाकोशी गाउँपालिकामा ८ जना गरी जिल्लाभर ३० जना क्वारेन्टिनमा रहेका छन् । मन्थली नगरपालिका , दोरम्बा , खाँडादेवी र सुनापति गाउँपालिकामा भने कोहि पनि व्यक्ति क्वारेन्टिनमा बसेका छैनन् । जिल्लामा अहिलेसम्म १ सय ८ बेडको आइसोलेशन कक्ष र ४ सय ९० बेडको क्वारेन्टिन कक्ष स्थापना गरिएको छ ।
