तामाकोशी नदीमा नुहाउने क्रममा एक वृद्ध बगेर बेपत्ता भएका छन । मंगलबार(आज) बिहान करिब ११ बजेको समयमा रामेछापको सदरमुकाम मन्थली स्थित तामाकोशी नदीमा नुहाउने क्रममा बगेर वृद्ध बेपत्ता भएका हुन ।
मन्थली नगरपालिका वडा नं ७ का वर्ष ७५ का श्रीवंश शर्मा कँडेल नुहाउने क्रममा बगेर बेपत्ता भएको रामेछाप प्रहरीले जानकारी दिएको हो । प्रत्यक्षदर्शी एक वृद्धले तामाकोशी नदीले कँडेललाई केही अघिसम्म बगाएको देखेको बताएको प्रहरीले जनाएको छ । उनको खोजी कार्य भैरहेको छ ।
