“हामी सवैको प्रतिवद्धता, लैङ्गिक हिंसा अन्त्यको ऐक्यवद्धता“ भन्ने मुल नाराका साथ लैङ्गिक हिंसा विरुद्धको १६ दिने अभियान सोमबार(आज) बाट शुरु भएको छ । यो अभियानको पहिलो दिन रामेछाप नगरपालिकाले सचेतना र्याली र दीप प्रज्वलन गरेको छ ।
रामेछाप नगरपालिकाका उपप्रमुख बाल कुमारी कार्की,प्रमुख प्रशासकिय अधिकृत भोला प्रसाद चापागाई सहित नगरका कर्मचारीहरुले रामेछाप बजारमा ¥याली प्रदर्शन गरेका थिए ।
नगरपालिकाले यो अभियान अन्तर्गत मावि विद्यालय स्तरीय वक्तृत्वकला प्रतियोगिता कार्यक्रम संचालन गर्ने छ । उक्त प्रतियोगितामा विजयी हुने विद्यार्थीहरुलाई पुरस्कार वितरण कार्यक्रम हुने बताइएको छ ।
लैङ्गिक हिंसाविरुद्धको १६ दिने विभिन्न कार्यक्रम गरेर मनाईदै आएको छ । महिला हिंसा अन्त्य दिवसका अवसरमा हरेक वर्ष यो अभियान चल्ने गरेको छ । सोमबारदेखि १० डिसेम्बरसम्म चल्ने अभियानमा सरकारी तथा गैरसरकारी निकाय क्षेत्रबाट विभिन्न चेतनामूलक कार्यक्रम हुने गरेका छन् ।
डोमिनिकन रिपब्लिकमा तत्कालीन त्यहाँका तानासाह राफेल ट्रुलिजाले तीन महिला अधिकारकर्मीलाई क्रूर तरिकाले हत्या गर्ने निर्देशन दिएका थिए । उनको निर्देशनअनुसार तीन मिराबल दिदीबहिनीको हत्या भएको थियो ।
सोही दिनको सम्झनामा अन्तर्राष्ट्रिय महिला हिंसा अन्त्य दिवसका रूपमा मनाउन थालिएको हो । ७ फेब्रुअरी २००० मा संयुक्त राष्ट्र सङ्घको महासभाले २५ नोभेम्बरलाई अन्तर्राष्ट्रिय महिला हिंसा अन्त्य दिवसका रूपमा मनाउन औपचारिक रूपमा सुरुवात गरेको हो ।
