रामेछाप जिल्लाको उमाकुन्ड गाउँपालिका वडा नं ६ गुप्तेश्वरमा शनिबार(आज) बिहान भएको बस दुर्घटनामा २ जना घाइते भएका छन् । दुर्घटनामा घाइते हुनेहरूमा बसका सहचालक रामेछापको लिखु तामाकोसी गाउँपालिका वडा नं १ का ३२ वर्षका केबल सुनुवार र बसका यात्रु उमाकुन्ड गाउँपालिका वडा नंं ६ का ७२ वर्षका फूल कुमारी सुनुवार रहेको जिल्ला प्रहरी कार्यालय रामेछापले जनाएको छ ।
घाइतेहरुको थप उपचारका लागि हेलिकप्टर मार्फत काठमाण्डौँ पठाइएको छ । बसपार्कमा रोकिराखेको बसलाई सोही बसका सहचालक केबलले चलाउनका लागि स्टार्ट गर्नासाथ बस गुप्तेश्वर बसपार्कबाट करिब ६० मिटर तल खसेको प्रहरीले जनाएको छ । बा ५ ख २८६ नम्बरको अरनिको उक्त बस रामेछापबाट काठमाण्डौँतर्फ जानका लागि स्टार्ट गरिएको थियो ।
