रामेछापमा भिरबाट लडेर एक पुरुषको मृत्यु भएको छ । जिल्लाको लिखुतामाकोशी गाउँपालिका–६ बशेरीका ३६ वर्षीय पूर्ण बहादुर बरुवालको भिरबाट लडेर मृत्यु भएको प्रहरीले जानकारी दिएको छ ।
मृतक बरुवाल आईतबार घरबाट १ किलो मिटर टाढा रहेको भिरबाट लडेका हुन् । भिरबाट करिब ४०० मिटर तल खसेका उनको घटनास्थमै मृत्यु भएको रामेछाप प्रहरीले जनाएको छ । घटनाको बारेमा थप अनुसन्धान भईरहेको प्रहरीले जनाएको छ ।
