वैशाख ३० मा हुने स्थानीय तहको निर्वाचनका लागि यसपाली घरदैलोमै मतदाता शिक्षा सञ्चालन नगर्दा रामेछापका स्थानीय नागरिकले असन्तुष्टि जनाएका छन् । मतदाता शिक्षा सञ्चालन नभएका कारण मत बदर हुने हो कि भन्ने चिन्ता उनीहरूलाई परेको छ । अघिल्लो पटकको निर्वाचनको बेलामा घरदैलो अभियानबाट मतदाता शिक्षा सञ्चालन गरिएकोमा यसपटक मतदाता शिक्षा सञ्चालन नभएको स्थानियहरुको भनाइ छ ।
२०७४ सालको निर्वाचनमा ग्रामीण भेगका पालिकाहरूमा बढी मत बदर भएको तथ्याङ्क निर्वाचन आयोगले सार्वजनिक गरेको थियो । आयोगले मतदान गर्ने दिनभन्दा २ दिन अघि सम्बन्धित केन्द्रमा मतदाता शिक्षा चलाउने भनेको छ । तर त्यसमा सबै नसमेटिने चिन्ता सर्वसाधारण नागरिकमा देखिन्छ । मतदाता शिक्षाको कार्यक्रम नहुनु, विभिन्न दलहरूबीच चुनावी तालमेल हुनु, यसैका कारण मतपत्रको आकार बढ्नु लगायत कारण पनि नागरिकमा अन्योल सिर्जना भएको छ ।
