रामेछापको मन्थली नगरपालिका–४ का १९ वर्षीय सुदिप खत्रीको पौडी खेल्ने क्रममा आइतबार डुबेर मृत्यु भएको छ । गाउँ नजिकैको रणजोर खोलाको शिरमा रहेको कृष्णदहमा पौडी खेल्न गएका खत्री मृत अवस्थामा फेला परेका हुन् । उनी बाख्रा हेर्न घरबाट हिँडेका थिए । केहि दिन अघि मात्रै तामाकोशी नदीमा पौडी खेल्ने क्रममा म्यादी प्रहरीमा भर्ना हुन आएका दोरम्बा शैलुङका एक युवकको मृत्यु भएको थियो ।
