नेकपा माओवादी केन्द्रले केन्द्रीय सम्मेलनको तयारीलाई तिब्रता दिएको छ । आउँदो ११ गतेदेखि हुने राष्ट्रिय सम्मेलनको लागि प्रदेश २ बाहेकका प्रदेशमा कमिटी गठन गरिसकेको माओवादी केन्द्रले जनाएको छ ।
त्यसको लागि गत शनिबार भौगोलिक,उपत्यका विशेष प्रदेश र सम्पर्क प्रदेश कमिटी गरी ९ वटा प्रदेशको सम्मेलन सुरु गरेको थियो । तर प्रतिनिधि चयनमा कुरा नमिल्दा प्रदेश २ मा बन्दसत्र नै सुरु हुन सकेको छैन ।
त्यहाँ भोलिमात्रै बन्दसत्र सुरु गर्ने तयारी भएको माओवादीकेन्द्रीय कार्यालयका सचिव श्रीराम ढकालले बताउनुभयो । उहाँका अनुसार पार्टीले आन्तरिक रूपमा विभागीय प्रतिनिधि छनोटको कामलाई पनि तिव्रता दिएको छ ।
माओवादीको ३४ वटा विभाग छन् । ती विभागबाट कम्तिमा तीन जना प्रतिनिधि सम्मेलनको लागि छनोट हुने पनि उहाँले जानकारी दिनुभयो ।
