रामेछाप जिल्लाको रामेछाप नगरपालिका वडा नं १ गोठगाउँकी एक १५ वर्षिया बालिका बलात्कृत भएकी छन । यहि मंसिर ९ गते साँझ ७ बजेको समयमा गोठगाउँ खुर्पाती भन्ने ठाउँका वर्ष ३२ का नवराज कार्कीले बालिकालाई बलात्कार गरेको रामेछाप प्रहरीले जानकारी दिएको छ ।
ति पुरुषले बालिकालाई डर त्रास देखाई लछारपछार गर्दै बाँसघारी नजिकैको सिस्नोघारीमा लगेर बलात्कार गरेको प्रहरीले जानकारी दिएको छ । बालिकालाई बलात्कार गर्ने कार्कीलाई हिजो साँझ ७ बजेतिर वडा नं १ को वडाकार्यालय नजिकैबाट पक्राउ गरेको प्रहरीले जनाएको छ ।
उनलाई जिल्ला अदालतबाट ५ दिनको म्याद थप गरी अनुसन्धान भैरहेको प्रहरीले जानकारी दिएको छ । पछिल्लो समय रामेछापमा बलात्कारका घटना बढिरहेको छ । गएकोे चार महिनामा जबरजस्ती करणी सम्बन्धी ११ वटा घटना दर्ता भएको जिल्ला प्रहरी कार्यालय रामेछापले जानकारी दिएको छ ।
