आज देखि महिला हिंसा विरुद्धको १६ दिने अभियाना सुरु भएको छ । ‘घरैबाट शुरु गरौं, महिला हिंसा अन्त्य गरौं’ भन्ने मूल नाराका साथ आज देखि अभियान सुरू भएको हो ।
रामेछापमा सचेतना र्यालीबाट लैङ्गिक हिंसा विरुद्धको १६ दिने अभियान सुरु भएको छ । मन्थली नगरपालिकाको आयोजनामा आज सदरमुकाम मन्थलीमा हिंसा विरुद्धका विभिन्न प्लेकार्ड सहित सचेतना र्याली गरिएको छ ।
रामेछाप नगरपालिकाले पनि १६ दिने अभियान विभिन्न कार्यक्रम मनाउने जनाएको छ । जिल्लाका सबै पालिकाहरुमा यो अभियान हरेक वर्ष विभिन्न कार्यक्रहरु आयोजना गरी मनाईदै आएको छ ।
२०७५ साल मंसिर २ गते बसेको मन्त्रिपरिषद बैठकले नेपालमा मंसिरको ९ गतेदेखि २४ गतेसम्म सामाजिक सचेतनासहित लैंङ्गिक हिंसा विरुद्घको अभियान सञ्चालन गर्न संघीय सरकारका मन्त्रालय तथा निकायहरु, ७ वटा प्रदेश सरकार, ७७ वटै जिल्ला समन्वय समिति, ७ सय ५३ स्थानीय तह एवं त्यसका वडाहरु सरोकारवाला निकायहरु, सामाजिक संघसंस्थाहरुलाई आह्वान गर्ने निर्णय गरेको थियो ।
सोही निर्णय अनुसार सबै निकायहरुले विभिन्न कार्यक्रमको आयोजना गरी लैंगिक हिंसा विरुद्वको १६ दिने अभियान सञ्चालन गर्दै आएको छ ।
